گه‌لێ ئازادی به‌ خوێنی بکرێ
نی یه‌ بتوانێ رێگه‌ی لێ بگرێ
زۆردار لای وایه‌ به‌ زه‌بری کوشتن
گه‌ل بێزار ئه‌کات له‌ خه‌بات کردن
نازانێ که‌وا داری ئازادی
هه‌ر به‌خوێنی گه‌ش دێته‌ به‌رگرتن
هه‌ردڵۆپێکی خوێنی شه‌هیدێ
قاره‌مانێکی تری دێته‌ جێ

------------------------------
------------------------------

ناسنامه‌ی عه‌شق:

چرکه‌یه‌ک دڵ شادوومان نیم هه‌ر له‌ ده‌ریای خه‌ما وونه
‌
که‌ به‌هاریشم پایز بێت ئیدی کامه‌ وه‌رزی منه‌
‌

هه‌موو ساتێک خه‌مێکی تۆ له‌نێو دڵما نیشته‌جێیه
‌
خۆ ناشتوانم بڵێم برۆ ناسنامه‌ی عه‌شقی تۆی پێ یه
‌

نه‌مده‌زانی به‌جێم دێڵیت خه‌م له‌ ئه‌وینی من ناخۆیت

وتم عه‌شقت هێند مه‌زنه‌ رێ به‌ دڵت نادا برۆی


بێ ده‌ربه‌ستی له‌وه‌ی کردت تاک و ئیسته‌ش بێ وه‌ڵامیت

راسته‌ خۆشت ناوێم به‌ڵام تۆ یادگارێکی و له‌لامی


به‌شێوه‌یه‌ک خۆشم ویستیت خۆشت له‌و عه‌شقه‌ سه‌رسام بوویت

من چاوه‌رێی چی بووم له‌تۆ به‌س ئاخ گووڵم که‌ وا نه‌بویت


-------------------------------

لۆمه‌ت ناکه‌م:

منی عاشق هیچ شک نابه‌م
پێشکه‌شتی که‌م له‌م دوونیایه‌

سه‌روه‌تی من به‌س ووشه‌یه‌و
له‌ هه‌ناوی شیعرمدایه‌

تۆ ئیلهامی هۆنراوه‌م بوویت
بۆ بێ پرسی ووشه‌م رۆشتیت

له‌کاتێکدا یه‌که‌م که‌س بوویت
له‌ دڵه‌وه‌ خۆشم ویستیت

سه‌یرم لێدێت خۆشت ناوێم
به‌جێم دێڵی و بێ وه‌ڵامیت

دنیای تۆم پر کرد له‌ شیعر
به‌کام جوانی دی سه‌رسامیت

لۆمه‌ت ناکه‌م بێ گووناهیت
تۆ کچێکی پر به‌هاریت

هه‌موو وه‌رزێکی من خه‌مه‌و
تۆش له‌گه‌ڵ خه‌نده‌ ئه‌باریت

---------------------------

په‌شیمانی:

په‌شیمانم له‌ گشت ته‌مه‌ن
له‌و رۆژانه‌ی بۆت ژیاوم

ئه‌و سه‌رده‌مه‌ی خۆشم ویستیت
وه‌ک تاوان دێته‌ به‌رچاوم

وا نه‌زانیت خۆشم ئه‌وێیت
که‌ ئیسته‌ شیعرت بۆ ئه‌ڵێم

ئه‌وه‌ شیعر نی یه‌ بۆتۆ
له‌گه‌ڵ ژانی دڵما ئه‌دوێم

چاوه‌روان مه‌به ئیدی
شیعر بۆتۆ بهۆنمه‌وه‌

له‌ رۆحیشم پێویست تر بیت
ناهێڵم بێیته‌ دڵمه‌وه‌

گه‌ربێو جارێکی تر سه‌رله‌نوێ
مرۆڤ درووست بکرێته‌وه‌

قه‌د ناهێلم له‌ سینه‌ی من
عه‌شقی کچێک جێی بێته‌وه‌

گووناهت کرد منت جێهێشت
خۆت دایه‌ ده‌ست دڵێکی شێت

کێ ئه‌ڵێت ئه‌وه‌ی خۆشت ئه‌وێت
به‌تاسه‌وه‌بۆت ئه‌سووتێت

basket ball..

گووڵ ته‌نیا به‌هار دێته‌ ده‌ر
به‌س جوانی تۆ گشت کاتی یه‌

ئه‌زانم فریشته‌ جوانه‌
به‌س دڵنیام وه‌ک تۆ نی یه‌

کاتێک زووبانت دێته‌ گۆ
نه‌غمه‌ت هاوشێوه‌ی بوول بوول بووله‌

خوونچه‌ی لێوت ده‌کرێته‌وه‌
تازه‌ترین په‌ره‌ی گووڵه‌

کاتێک دێیته‌ دوونیای خه‌یاڵ
له‌ په‌پووله‌ زۆر جوانتریت

کاتێکیش ده‌بیت به‌ ووشه‌
له‌ گشت شیعرم ناسک تریت

ئه‌گه‌ر بێت و تۆی شازاده‌
له‌به‌هه‌شتدا بیت وه‌ک په‌ری

دوور نی یه‌ گشت بێ باوه‌رێک
بۆ سه‌ر دینی یه‌زدان به‌ریت

هێند ناسکیت جوانی کام گووڵ
له‌ ناسکی رووی تۆ ئه‌چێت

شیعرم پێی ناکرێ باست کات
نه‌کا شووشه‌ی دڵت بشکێت

============================
خۆزگه‌ وه‌ک شێعرێکی ساده‌
له‌ مه‌به‌ستی تۆم ئه‌زانی

به‌ڵام من قه‌د ناگه‌م له‌تۆ
کچێکی زۆر پر گوومانی

دواین بریار بدرکێنه‌
گووڵم هه‌رچه‌ند پر ئازار بێت

که‌ چوار وه‌رزی من پایزه‌
دڵ بۆ چاوه‌رێی به‌هار بێ

گه‌رنه‌توانی گووڵی حه‌زم
ده‌رکه‌ی له‌ وه‌رزی بێزاری

خۆ ئه‌توانی له‌ناو دڵتا
ده‌رم بێنی به‌ یه‌ک جاری

راسته‌ شۆخێکی ناسکیت
جوانی دوونیاش له‌تۆ ئه‌چێت

به‌ڵام سۆزێکت نه‌بێت بۆم
جوانیت بۆ من به‌چی ئه‌چێت

گووڵم خۆ من پێش عه‌شقی تۆ
شێعرم بۆ زۆر کچ وتووه‌

به‌ڵام به‌خوا هیچیان وه‌ک تۆ
ووشه‌میان جوان نه‌کردووه‌

نازانم چۆن سۆزت نی یه‌
به‌رامبه‌ر ووشه‌ی ژاکاوم

له‌شێعرێکا بمخوێنه‌وه‌
ته‌ماشاکه‌ چه‌ند داماوم

شه‌وێک نی یه‌ له‌ ووشه‌ما
نه‌ت که‌م به‌ په‌ری ژیانم

به‌ڵام کاڵ فامی تێ ناگه‌یت
له‌ مه‌رامی شیعره‌کانم

به‌ ئاسانی ده‌ڵێی ئیتر
بیر له‌ عه‌شقم مه‌که‌ره‌وه‌؟

ئه‌و رۆژانه‌ی بۆتۆ ژیام
کوا هه‌موویم بده‌ره‌وه‌

په‌شیمانم په‌شیمانم
له‌وه‌ی بووم به‌ خؤشه‌ویستت

بێ ئه‌وه‌ی بزانم تۆ کێی
دڵم خسته‌ له‌پی ده‌ستت

ئیسته‌ش دڵم هاوار ئه‌کا
پرسیار ئه‌کا ئه‌ڵێ کوانێ

ناهه‌قی ناگرم ئه‌زیزم
ئه‌و له‌ فێڵی کچ چووزانێ

یاران با باده‌ی بر مه‌ی برێژین
با کۆرپه‌ی شادی و خۆشی بنێژین

با به‌ ئۆف به‌ ئاخ به‌ حه‌سره‌ت به‌ داخ
ته‌ماوی بکه‌ین ئاوێنه‌ی ده‌ماخ

به‌هه‌ناسه‌ی سارد به‌ گریه‌ی به‌کوڵ
ده‌رکێشین له‌بن ره‌گ و ریشه‌ی دڵ

با به‌دڵۆپه‌ فرمێسکی خوێنین
قورێ بۆ شینی ئه‌مرۆ بشێلین

به‌ به‌قوڵنگی تیژی فه‌رهادی
هه‌ڵکووتینه‌ سه‌ر بێستوونی شادی

که‌ گه‌ردێ نه‌ما به‌ دڵمانه‌وه‌
ته‌پووتۆز نه‌ما به‌ گڵمانه‌وه‌

له‌کانگای دڵی هه‌ریه‌کێکمانا
له‌ دڵی گه‌وره‌ی گشت کوردستانا

به‌ پانی هیواو قووڵی په‌ژاره‌
گۆرێ هه‌ڵکه‌نین بۆ ئه‌و سه‌رداره‌

گۆرێ بۆ کۆته‌ک نه‌وه‌ک بۆ گیانی
گیانی نه‌مری دوور له‌ نه‌مانی

گیانی به‌دیلی ژیان نه‌ویستی
گیانی ئازادی وڵات په‌رستی

خۆی کرده‌ قوربان خوای ئازادی
تا گه‌ل بگاته‌ سه‌ربه‌ستی و شادی

گه‌رچی شیوه‌نه‌ شینی پێشه‌وا
گریان له‌نگی یه‌ له‌ شینی ئاوا

بێخی ناکۆکی نیفاق هه‌لکه‌ندن
رێگه‌وشوێن دانان بۆ تۆڵه‌ سه‌ندن

یه‌ک گرتن ژه‌نگین نه‌به‌رد تا مردن
هه‌وڵو ته‌قالای گه‌ل رزگار کردن

گیانی بڵندی سه‌رۆک ئه‌که‌ن شاد
ئه‌یگه‌یه‌ننه‌ به‌هه‌شتی موراد

BBC NEWS 24 LOL

رۆژ ژمێری پێشمه‌رگه‌یه‌ک

nothing